وانت الخليفة ياعطيب المضاريبـ

[بدر العياضي]

هذهـ القصيدهـ في إبن عمي الغالي / الشاعر / معتق العياضي وماهي الا بعض الشعور
تجاه شاعر اثبت وجودهـ مع الشعراء رغم صغر سنه فـ إلى الأمام ايها المبدع ومن افضل إلى افضل





سلام ياراع الوفا والتراحيب = ياذخر جدي ياسليل المناعير
اهل الوفا اهل النقا والمواجيب=فتخان الايدي مكرمين الخطاطير
حرب الزعامه بالسيوف المحاديب=يوم السنين المرمسات المدابير
مركاظهم يشبع به الطير والذيب = فوق الرمك يوم الفعول المفاخير
شاعر جزاله والغزايز تراتيب =ذولي مقابيل وذولي مصادير
عدّ الروا ماردك بأصفى المشاريب=تشرب زلال القاف من جمة البير
وتروي هجوسك من طويل المجاذيب =شاعر تصخر عاصي القاف تصخير
وتصوغ الدرر صوغ الذهب بالاساليب=وتلعج بروقك والغزايز مزابير
نجمك علا من دون شك ولاريب=ونلت الشهادة من كبار الشواعير
ونهجت نهج معرب الجد تعريب = صياف ابن عواد نجم المشاهير
اللي سلك دربه بعيد عن العيب= دام الدلايل واضحه بالتقارير
وانته سلكت الدرب طيب على طيب =دام القوافي منك زهر ونواوير
وانت الخليفة ياعطيب المضاريب = بقاف يبهر ساحة الشعر تبهير
واصل مسيرك ياحصان الاطاليب = دام الحروب عضود لك واصل السير
وعساك تسلم ياعريب المجاذيب= ياذخر جدي ياسليل المناعير
بـدر بن صالح القويضي العياضي "