مــوقـــف طــــريــــــف صـــار مــعـــك (((الــكــــل يـــشـــارك)))

[احمد العوفي]

أتمنى من جميع الاعضاء المشاركه والتفاعل ماشاء الله عدد الاعضاء كثير نريد أقل شي النصف منهم يشارك والموضوع مايحتاج أختراع أكتب موقف طريف حصل معك أومع أحد أقربائك أوزملائك شي سهل .
مع تمنياتي للجميع بالتوفيق وشكرآ

[احمد العوفي]

يالله من يقص الشريط لنا

[عبدالعزيز السبيل]

::


يالله انا بقص الشريط


بس اصبر على ماتذكر


::

[احمد العوفي]

عبدالعزيز الحربي انت خلية نحل بالموقع ماشاء الله عليك تقبل تحياتي

[احمد العوفي]

أنتظرت أحد من الاعضاء يقص الشريط ولكن لاحياة لمن تنادي الظاهر (( الكل يخجل من ذلك )) قلت أتوكل على الله وأقصه..
قبل أربع سنوات تقريبآ كنت في مهمة عمل جنوب المملكه وكان برفقتي أحد الزملاء كانت وسيلة السفر اليه عن طريق الطائره لانه تقع قريبه من الحدود اليمنيه ، مالكم بالطويله هبطنا بالمطار وطلعنا منها ندور على تاكسي لكي نذهب الى الدائره المنتدبين اليه ولكن لم نعثر على أحد ،، المهم مشينا على رجلينا ((( كعابي )) طبعآ الدائره المنتدبين اليه تبعد عنا تقريبآ عشرين كيلومتر،،، مشينا تقريبآ سبع كيلومتر والله لايوريك الجو عجاج وشمس وكم راعي سياره يمر من جنبنا ويهدي واذا قربنا منه أسرع ومشى (( أنواع التسحيب وتحطيم للمعنويه الله لايوفقهم )) الزبده (( تفلنا العافيه )) مالكم بالطويله واصلنا المشي (( كعابي )) لين قطعنا تقريبآ أربعة عشر كيلو متر ويرزقنا الله بذلك الرجل الطيب راعي كرسيدا ووقف المهم من شدة الفرحه يوم أنه وقف فتحت الباب حق المعاون وقلتله (( الوه )) المفروض أحييه بتحية الاسلام وأمسي عليه بالخير واعلمه بوضعنا ولكن من شدة الفرحه قلتله (( الوه )) والله انه طاح وجهي من الرجال راعي الكرسيد ،،، لاحد يقولي أنت محشش وتحسبنه تلفون ،، أنا أكل حبتين بنادول ثلاث أيام أواصل،،، الله يبعدكم ويبعدنا عن المخدرات قولوا أمين وأنا واثق أن جميع الاعضاء رجال ماينزلون أنفسهم لهذه الامور المحرمه....
أسف أعرف أنها سامجه ولكن هذا الموقف الطريف الذي لا أنساه وشكرآ ....

[حاتم الرويثي]

السلام عليكم ورحمة الله وبركاته
والله الموضع جميل بسراحة المواقف الطريفة كثيرة
المهم لا اطول عليكم هذا سلمك الله عندي اختبار في الجامعة المهم الدكتور جديد وبيني وبينك الدكتور لا جاء جديد ما يعرف للنظام في الجامعة راحوا العيال يكبرون الموضوع براسي اني اغش في الأختبار
وان والله غشيم في الأمور هذي المهم توكلت على الله ودخلت والبراشيم معي وبدا الأختبار لين ما عندك احد في المراقبة والله واحط البراشيم في كراسة الأجابه والعيال ما شاء الله خلصوا بدري وانا يالله انقل كلمه كلمه وخايف ومرتبك المهم قال يالله يا زلمه سلم الورقه وما ادري كيف اصرف البراشيم والله وبسرعة اخذت البراشيم وحطيتها بجيبي يوم اني جيت ومديت عليه كراسه الأجابة ومد يده يبى ياخذها لين فيه برشام ناشب ما دريت عنه وهو يطيح بيد الد كتور والله ان قلبي وقف من الخوف والله وارمي كراسة الأجابة على الطاولة وامشي واسحب عن الدكتور اسبوعين
" مر تكفون يا عيال عمي لا حد يغش كما قال صلى الله عليه وسلم :من غشنا فليس منا "
وانا تبت وعسى الله يغفرلي ان شاء الله

[عبدالعزيز السبيل]

::


الـمـغـذوي


يـازيـن الـمـشـي

.(14). كـيـلو


.. آمـــيــن ..

وأنـا بـصـراحـه كـنـت بـقـص الشـريـط لـكـن مـاتـذكـرت شـي



::



حـاتـم الـرويـثـي


يـاشـيـن الـبـراشـيم , أبـشـرك أنـا مـاأعـرف أبـرشـم



::

[البلادي الحربي]

المغذوي ياشين اللطعات

المشي رياضه ما عليك


حاتم الرويثي
البراشيم بعض الناس يحترفون فيها ويتفننون بها

اخذ فره وامر عليكم بالحصيل