والنعم في معتق منيـر العياضـي

[فهد السليمي]

بسم الله الرحمن الرحيم

هذه القصيدة قلتها في اخي وصديقي وزميلي بالجامعه

الشاعر معتق منير العياضي الشاعر القادم بقوة في ميادين المحاورة


وهي عباره عن رد ثناء على مواقفه الطيبه والمشرفه...




ياهاجسي عطني من جزال الابيـات=يـوم ان بالـي لتماثيـل هاضـي
أبمدح أهل الطيب واهل الجمـالات=اللي لهم نبـراس بالمجـد ياضـي
أعم فيها حـرب وأخـص بالـذات=حراً بعال الجـو رفـرف وناضـي
نجمٍ تعلـى فـوق نجـم المجـرات=واهج شعاعه من سناء النار لاضي
ترفع له البيضاء بروس الطويـلات=بيضاء نقيـه ناصعـه بالبياضـي
اقولهـا واعيدهـا عشـر مـرات=والنعم في معتق منيـر العياضـي
شاعر وله بالشعر صوله وجـولات=دون القبيلـه مايحـب التغـاضـي
من روس قومٍ كاسبين البطـولات=في صيتهم تشع سبـع الاراضـي
ان قيل من هم قلت ربعه عياضات=تاريخهم معروف حاضر وماضـي
تاريخ عز وطيب ماهـو دعايـات=قولٍ صحيح ولاعليـه اعتراضـي
ومن عادتي ماجيب علمي بلا اثبات=ولا اقول قولا بالرياجيـل فاضـي
عندي على قولي دليـل وشهـادات=يسكت خصيمي كان ماهو براضـي
يردون حوض الموت فرد وجماعات=ورد الضوامي يوم ترد الحياضـي
فرسان يروون السيوف الصقيلات=كم فارس خلو عضامـه شواضـي
من عقب ماهو حي بالمعركه مـات=من ضربهم دمه على القاع فاضـي
وكل القبايـل كاسبيـن المـروات=والكل منهـم للبطـولات خاضـي
وختامهـا منـي سـلام وتحيـات=معطره بزهـور عشـب الفياضـي
وتقبلـو تحيـتـي يالعيـاضـات=وازكى سلامي عد مالبرق ناضـي
وصلاة ربي عـد نجـم السمـوات=على النبي مايفصل الحـق قاضـي