سلام تسليمة وفاء وتفوح في ريح العبير = لأميرنا اللي عز طيبة والهموم اشتالها
سلام ياعبدالعزيز اللي على القمه يسير = تسليمة" تبقى على أيام السنة وليالها
لأنها من شاعر" يكتب بما وسط الضمير = ويعرف ميزان البيوت خفافها وثقالها
شاعر وأمثل لابتي لاجيت في اليوم الخطير =ولا يثبت أقوال العرب بالوقت غير افعالها
ياسيدي ياولد ماجد صاحب القدر الكبير = يامير طيبه يوم طيبه تفتخر برجالها
لاقالوا اسمك بالمجالس رددوا حي الأمير = كلمة نعم في ذمتي تزهالك وتزهالها
أنت الذي ساويت ما بينا الغناوي والفقير = يوم إن غيرك يحشم العالم عشان اموالها
حبك دخل قلب الكبير وداخل" قلب الصغير = يحميك رب" يجزي الحسنة بعشر امثالها
ياسيدي خذها من لساني وأنا معتق منير = إن المراجل ما أحد مثلك شرب فنجالها
أقولها وأعيدها ويقودني سلك الحرير = وانا الحقيقة قدم عيني والسعد يبرالها
تدرون ويش أحسد لو إن الحسد شر" مستطير = والله ماني حاسد إلا غترتك وعقالها
لأنها من فوق راس أمير ماهو باي امير = حفيد من وحد لنا الدولة وطيب فالها
قلته وأنا والله ما أرجي لا قليل ولا كثير = غير المشاعر في خفوقي والمترجم قالها