معتق :

يامرحبا ترحيب وافي من عزيزين الجنـاب=أقولهـا وأعيدهـا باسـم المدينـة كلهـا
امنولٍ ناويك ياحبيب بسـوطٍ مـن عـذاب=وشلون مرت قدم عينك وأنـت ماتفطنلهـا
حبيب ::
دام البقاء لك والمدينة مالنا فيها اغتـراب=هذي مدينـة سيـد الأمـه محـد يحتلهـا
بدري عليك اللي تقوله وانتبه يابو الشباب=أنا عطيت الأولـه ماقلـت معتـق خلهـا

معتق :
أنته تقوله مير حنا اللي بها عصر الركـاب=ترى العتيبـي مـن قبـل والله ماينزلهـا
ياصاحبي وشلون جمعت النمورة والذيـاب=وتقول من عنده سيـوف يالعيـال يسلهـا
حبيب ::
قرب إلي من الثرى وأبعد عليك من السحاب=كـم ديـرة وصلتهـا والنـاس ماتاصلهـا
ترى القوافل ماشيه ماهمها نبـح الكـلاب=مالك ومال أهل الفتن أنته صلاتـك صلهـا
معتق :
حنا نزلنا وسط طيبة يوم خلـق الله تهـاب=والترك حنا اللي طردها ميـر ربعـك قلهـا
أنته تقوله ياحبيـب ميـر فـات الاكتتـاب=ترى القوافل لو توقف بالطريـق أحسلهـا
حبيب ::

ماتعلم إن جدي أنا بالسيف مصقول النصاب=الترك في هضبـة وعيـرة دونكـم قابلهـا
خلاص قفل بنك الانماء مابقى الا بنك ساب=واللي فلوسه دوبها المصروف وش يعملها
معتق ::
قابلهم جدك لكنـه مـدرق سـد الهضـاب=يومين ثم روح وكبـده باقيـه فـي غلهـا
خلاص مانبغاه جعلـه للتشتـت والذهـاب=الأولـه راحـت وباقيـة الدفاتـر فلـهـا