فالح الغنامي::

ســلام مـن زبــن المــهمه والمــهمــه مايــنــوب=فيها يكود اللي يقدرها حسب مقدارها
هذا السنه والعام ماعرف الصدوق من الكذوب=اللي يجيك بسالفه بكره يجيك بغارها

معتق العياضي::
يامــرحــبــا يامـرحـبا عـداد مـاهب الهبوب=وعـداد مــاتــبرق وترعد ثم تهل أمطارها
ياعتبية أنتم من قديم الوقت جيران الحروب=وأنته تعرف يمينها وأنته تعرف يسارها

فالح الغنامي::

يامعتق الحربي معي للعاريه مشلح وثوب = وانته عليك اليا كسيناها تزر ازرارها
بيني وبينك علم يامعتق مقدر ومحسوب =لاكن ميز في طوال علومنا وقصارها

معتق العياضي::

حنا ترانا ما جهلنـا بـالشـمـال وبـالـجـنـوب=يوم إن بعض أصحابنا قامت تبيح أسرارها
عطني علومك ثم خلك مع وسيعات الدروب=وأحسب لأشارات البلد ثم أحسب لدوارها

فالح الغنامي::

نا ادري انك ماتفتش في المخابـي والجـيـوب=وتقيس شبرك مع رياجيلن طوال اشبارها
كريم يابرقن سرا ساريه في عرض النصوب=والبـدو يـمـه كـل مـايـبـرق تـلـد انظـارهـا

معتق العياضي::
حتى أنت يافالح سمعت إنك سلمت من العيوب=حـنـا الـرجـال الــطيبة نسمع جميع أخبارها
البرق يبرق والمخايل سيلـهـا مـلـى الشـعـوب=يوم أن بعض دياركم راحت يبوس أشجارها

فالح الغنامي::

هل تعلم ان البيت يبنى يالعياضي طوب طـوب=مار اعمر البنيه يامعتق عقب طاح اجدارها
الدار وحــده والــهمــوم تــشيلـها كل الـقلوب=وانـا تـرانـي ماـنشـدت اصـحابـنا عن دارها

معتق العياضي::

جدارنا ماينـهـدم مـن وقـت غـالـب ومغـلـوب=طالع نجوم بالسماء تلمع عليك أنوارها
يافالح أسمعني ترى مالك عن الواقع هروب=ديـارنـا فـي خـير . تشـعم بالمعزة نارها