معتق العياضي
من الهاجس اللـي مايخلـي خويـه=سلامي على شمر دهـات الرجالـي
ياذيب الضحايـا كاثـره ياالضحيـه=ومات العطاوي وابوزيـد الهلالـي

ذيب الشمري
من الهاجس اللي عالـي المعنويـه=هلا مرحبا ياحـرب والعلـم تالـي
انا اعرف ضحايا السيف والبندقيـه=وحنا ضحايا تحت ضـرب الريالـي
معتق العياضي
بعـد دار ريـح العـود والشاذليـه=ابااخذ علومـك والموالـي موالـي
طرحنا الشداد اللي بظهـر المطيـه=وماللحمـول الا ظهـور الجمـالـي
ذيب الشمري
لوالصق على اذنك ورقة الخمس ميه=يسومونك التجار في سعـر غالـي
سبـاقً خـذا المترديـه والقـويـه=نعده سباق مـن النسيـج الخيالـي
معتق العياضي
لو الصق على اذنك عملـة عالميـه=ماتنسام ياالمقرود لـو فـي ريالـي
مدام الدعـاوي روحـت عنصريـه=علامك مسكت الباب والجيب خالـي
ذيب الشمري
تعيـش الذيابـه بالديـار الخلـيـه=ولاتشتـرى وارقابهـا بالحبـالـي
على شيوخنا ماتضحـك السرسريـه=نعرف الزبون النمس والراس مالـي
معتق العياضي
تعيش الذيابـه يـم هضبـة طميـه=وتموت الذيابه في ديـار الشمالـي
انااقـول هــاذي غلطة"مطبعـيـه=لاوالله شمسـك قربـت للـزوالـي
ذيب الشمري
يجي دوركـم بعديـن بالمسرحيـه=واناعمكم ميـر اهربـوا ياعيالـي
نصيحه من الحربـي لهـا قابليـه=لوإنه ثقيـل الـدم شاعـر مثالـي