فلاح :
ياسلامي على اللي يحتمون اللزوم=في نهار تطـب الخيـل ميدانهـا
قوم يالشيخ معتق ثم هات العلوم=دام انا جيت من شانك ومن شانها
معتق::
البقاء يالرجال اهل الوفاء والسلوم=مايقود المعارك غيـر فرسانهـا
يافلاح الليالـي للعـرب ماتـدوم=مير لاتخطي البنـدق ونيشانهـا
فلاح ::
مايضيع الحلال اللي عليه الوسوم=دامت ان الرعيـه عنـد رعيانهـا
كان ضيعت قسمك في نهار القسوم=وانت مابيـن شعلتهـا ودخانهـا
معتق ::
المهم انتبه لاتفرب من السهـوم=وانتبه للرعيه وسـط مرحانهـا
رحمة الله على صياف قرم القروم=ماعلينا من الحـره وسحمانهـا
فلاح ::
لاوصلت لسبيع ولاوصلت البقوم=لجل تبني بيوتك فوق عمدانهـا
كان يالشيخ معتق ضيعتك الحلوم=هاد نفسك يالين يموت شيطانها
معتق :
انت تمشي بكيفك ماتشوف النجو=ملين حطتك بقعـاء بيـن نيبانهـا
يافلاح استرح في منزلك ومخدوم=والله انـي لوردهـا لحيضانهـا
فلاح ::
لنت مركز دفاع ولنت مركز هجوم=قدمتك الحروب ولانقضى شانهـا
لو تلبست بالمشلح وزين الهدوم=كل دعـوى نبرهنهـا ببرهانهـا
معتق ::
قدمتني قبيلة حرب ربعي عموم=يالله استر من الحره وبركانهـا
زاهيتنا المشالح زاهيتنا الختوم=ولابنينا البيوت الا بسيسانهـا
فلاح ::
احد مايطامن العربان واحد محروم=ماتطيـر الطيـور الا بجنحانـهـا
كان وصلت ببن عمي لفرك الخشوم=قبـل لافرهـا بخبـرك بازمانهـا

معتق ::
خيلت من بحرها واقتفتها الغيوم=مير ماسالت الديره ووديانهـا