ابن طمحي :
ياسلام الله عليكم مـن هواجيـسٍ نظيفـه=من هواجيس نظيفه كنهـا نبـت الفياضـي
العرب قالوا بعد ذاك الخليفه جـاء خليفـه=قلت منهو ياجماعه قالـوا فـلان العياضـي
معـتـق :
مرحبا ترحيبة مثـل الجبـال اللـي منيفـه=بإسم ربعٍ فعلهم معروف في حاضر وماضي
ابن طمحي ياعسى التوفيق ياعالـم حليفـه=ابشر انا قدهـا والعلـم مافيـه اعتراضـي
ابن طمحي :
الدعـاوي يالعياضـي لاتحسبهـا خفيفـه=الدعاوي ماتبى الأ واحـد مفتـي وقاضـي
كان ماعنـدك شهـاده ماتحصلـك وظيفـه=لو تسيّل بالملف من القصيم ليـا الرياضـي
معـتـق :
عارفين ان الدعاوي ياولـد طمحـي كليفـه=والليال السود ماهي ياولـد مثـل البياضـي
العياضي ياعرب مايقـدر يعـذرب بضيفـه=لو أخبره وسط مكه مثـل بيـاع المقاضـي
ابن طمحي :
انت دوبك جيت تبغى تخطب البنت الشريفه=والشريفه ماتعاين فيك كان الجيـب فاضـي
انت لو خاويت ابن طمحي وسيفك مثل سيفه=كان سيّرنا وسيّطرنا على السبع الأراضـي
معـتـق :
العفيفـه لابغيناهـا عطيناهـا النصيـفـه=وانت ماتقدر تجيها يابو كتـوف عراضـي
اثر عينك يابن طمحي تنظر لغـزه وحيفـه=انتبه ياصاحبي لاتفـرض العلـم افتراضـي
ابن طمحي :
النصيفه نقص جيب الكاملـه والأ حسيفـه=ياصغير السن فكر قبل امشيـك امتغاضـي
لو طلع واد الرمه سيله مثـل وادي حنيفـه=ماحد خيل مزون برقهـا بالصيـف ناضـي
معـتـق :
اثر فكـرك يالعتيبـي راح للبنـت العفيفـه=عقب هاذي منت وارد ياولد فوق الحياضـي
منته بعارف ربيعه منتـه بعـارف خريفـه=البروق تلوح وانت تقول ساع البال هاضـي
ابن طمحي :
ياشبابه ياشبابـه ورعكـم مانـي بكيفـه=ون رضي بعض السوالف قلتله ماني براضي
لاغرابه لاغرابه يبلـش الجنـدي عريفـه=مير لن جازاه مره جاه رجفـه وانتفاضـي
معـتـق :
الورع خلى بقلبـك ياهـذا الرجـال خيفـه=أنت وشبك قمت ترمي ياولد طمحي شواضي