زيـــد ....................
رحبو بالشاعر اللي من قبيله من غلاهـا=.كل ما حصلت شاعرهم تذكرت الزناتـي
يالعياضي ما عاينت الذاهبه ما احد لقاها=فالسنين الفايتـات وفالسنيـن المقبلاتـي
مـعـتـق...................
الله يسلمـك وانتـه دونهـا ولا وراهـا=.مير سر الليل والليله ترا ماشـي مباتـي
كل نجمه يالمطيري ثابته داخل سماهـا.=مير تال الوقت بس نقـول يالله الثباتـي
زيــد........................
الذياب اللي تدور للعشى تطـرح عشاهـا=مير خذ حذرك لي اوحيت الذياب العاوياتي
انت لا تضحك من الدنيا ليا دارت رحاهـا=خل تفكيرك على فهم الدراسه والصلاتـي
معـتـق.....................
الذيابه يالمطيـري مـا يخوفنـا عواهـا.=مالها من عندنا غير السهوم الصايباتـي
كل نفس يالمطيـري عارفيـن مستواهـا=ما علي من العيال ولا علي من الخواتـي
زيــــــد................
بيض الله وجه منهو قال هرجه واحتماها=مير انا خايف تجي بين السلوك المبهماتي
القبيلـه ترتجـي يالله لا تخيـب رجاهـا=مير ما ضني يجي شط مثل شط الفراتـي
معـتـق......................
الجمال اللي تعارت يالمطيري من حفاهـا=طشها ربي ولا ضني بعدها لـك حياتـي
زيد............................
من يصاف الناس يا معتق يبا يلقى صفاها=من يحاربها يبا يلقى السيوف المرهفاتـي