مـــــعـــــتـــــق:
هلا مرحبا ترحيـب يسـوا ملاييـن=هلا مرحبا بأسمـي وبسـم القبيلـه
يازيد العضيله سرّها وامسك يميـن=ترى موعدي معكم براس الطويلـه
زيــــــــــــــــد:
يدوم البقـا والله يخـز الشياطيـن=هذي ليلة(ن) تسوى ثمانيـن ليلـه
توكل علـى الله للامانـه مواميـن=انا فارس(ن) ساري وربـه وكيلـه
مـــــعـــــتـــــق:
على وين راحت قافلتهم على وين؟=سمعت ان راس الزند ناش الفتيلـه
ترى بيني وبينـك سلـوم وقوان=يـنعسى الله يعين اللي يشيـل الثقيلـه
زيــــــــــــــــد:
قوافل سـرت والله يعيـن المعنيـن=وانا مااعترض بالدرب عابر سبيلـه
على العهد والحاظر يكفي عن الدين=بعير(ن) بـرك للحمـل لازم يشيلـه
مـــــعـــــتـــــق:
علمنا السعودي فيه نخله وسيفيـن=عسى الله يعز اهل السيوف الصقيله
نحط الحموله في ظهـور البعاريـن=ولاكن بعض الزمـل مامعـه حيلـه
زيــــــــــــــــد:
علمنا السعودي محتمينـه وباقيـن=ومن حيث ماهـب الهـوا نرتكيلـه
هذا وانت عمرك مابعد وصل عشرين=تكيللك شي(ن) قبل مااحد(ن) يكيلـه
مـــــعـــــتـــــق:
لاكن المصيبه من يحـرر فلسطيـن=نشوف الرعد لاكـن ماطـاح سيلـه
لاكن انت عمرك كد تعـدى ثلاثيـن=ولا انته مسوي حاجة(ن) مستحيلـه
زيــــــــــــــــد:
إخذ بندق الشايـب ورح للملاعيـن=وإخذ دونهم ركعه وراهـا إتهليلـه
اخذنا من الدنيـا دروس وبراهيـن=ولا اصافح اصحابي بيمنـا بخيلـه
مـــــعـــــتـــــق:
اباخـذك معيـه لاتميـل الموازيـن=لو إن المطيـري مايخلـي عميلـه
رشيد الزلامي قسّم السيف قسميـن=اجل كيف يركب فوق ظهر الاصيلـه
زيــــــــــــــــد:
ليا رحت انا وياك زين(ن) على زيـن=وانا اخاف روحه ماوراهـا عقيلـه
رشيد الزلامي قال معتق غدا ويـن=انا كنت نـاوي بالعياضـي جميلـه
مـــــعـــــتـــــق:
ترى الخوف مايدخل ياغير المساكين=شل الخوف عنّك ياوليـد العضيلـه