الميزاني :

ياصحابنا ياحرب صيدوا حوت وأمسوا في البيوت=وش رأيكم لو تقلبـون الحـره السـوداء بحـر
هذه السنه موج البحـر عيـى يهـز الجيلبـوت=مدري نشب النـار فـي العيـدان ولا بالحجـر
العياضي ::
ياصحابنا المطـران قـدام الذبيحـه لا تمـوت=تجمعوا ثم اخـذو الـي بيـن رجليـن الجفـر
انته ياعبـدالله علـى ماقيـل مثـل العنكبـوت=يبنـي سلوكـه ياجماعـه كـل ماجالـه جحـر
الميزاني ::
الله يغش الجاهل الى يحسبـن الصيـت صـوت=لا يحسبنه شايـل الدنيـا علـى سطـح القمـر
وش الفياده من وراء حتحوت والريش محتـوت=العـام ياوجـه الغنـاه واليـوم ياوجـه الفقـر
العياضي ::
الله يغش الشايب الى يحسبـن العالـم سكـوت=اليـاء نحتنـاء ياصحيبـي مانحتنـا الا صخـر
لا جاتلي فرصه على مطيـري تراهـا ماتفـوت=احسب حسابه ياعرب في يـوم ولا فـي شهـر
الميزاني ::
أرفق على حالك شويـه قبـل لاثبـت وشـوت=أنـا كتبتـك مبتـداء والنـاس يقرونـك خبـر
الفرق شرق وغرب مابين المناكـب والبشـوت=فيما نراء ماهي على شـان المرايـاء والصـور
العياضي ::
ان كان عـادت للبخـت حنـا كبير(ن)البخـوت=ولاياء نويت بشـر مالـك لا مطيـر ولا ومفـر